16 ကျွန်တော့်ချစ်သူ နေမကောင်းဘူးထင်တယ်

Зміст

16.

ကျွန်တော် အဲ့ဒီကိစ္စကို အတွေးထဲမှာနစ်မျောနေလို့ ကျွန်တော့်ချစ်သူ တံခါးဖွင့်တဲ့အသံကို သတိမထားမိလိုက်ဘူး။

သူဘေးနားလာရပ်ပြီး ကျွန်တော်ဘာလုပ်နေတာလဲလို့မေးလိုက်မှ ကျွန်တော်လည်း သတိပြန်ဝင်လာတယ်။ ကျွန်တော် အရမ်းကိုတုန်လှုပ်ခြောက်ခြားသွားပြီး လက်ပ်တော့အဖုံးကို ဆောင့်ပိတ်လိုက်တယ်၊ ရင်တွေ တဒိန်းဒိန်းခုန်နေပြီး ကျွန်တော့်ချစ်သူ မမြင်သင့်တာမြင်သွားမှာကို ကြောက်နေမိတယ်။

ကျွန်တော် အထိခိုက်မခံတဲ့ သူ့ရဲ့နှလုံးသားနုနုလေးကို ဒဏ်ရာပေးမိသွားရင် ဘယ်လိုလုပ်မလဲ?

.　　

ကျွန်တော့်ချစ်သူ မျက်မှောင်ကြုံ့ပြီး မေးလိုက်တယ် : မင်းဘာတွေကြည့်နေတာလဲ?

ကျွန်တော် တည်ငြိမ်ချင်ယောင်ဆောင်ရင်း : ထွေထွေထူးထူးမဟုတ်ပါဘူး၊ ခွေးလေးရော?

ကျွန်တော့်ချစ်သူ ထူးဆန်းနေတဲ့ အမူအရာဖြင့် : ခွေးက ဧည့်ခန်းထဲမှာရှိတယ်... မင်းခုန ဘာတွေကြည့်နေတာလဲ?

.

ကျွန်တော် ဘဝနဲ့ရင်းရတဲ့ အကျပ်အတည်းကြီးနဲ့ ရင်ဆိုင်လိုက်ရသလို ခံစားရတယ်။

.

ကျွန်တော့်ချစ်သူ တစ်ခုခုမြင်သွားတာဖြစ်ရမယ်၊ ဒါကြောင့် မေးခွန်းတွေများနေတာပဲ။

သူ့ကို အမှန်အတိုင်းပြောလို့မဖြစ်ဘူး၊ သူ့ကို အဲ့ဒီအတွေးတွေ မဝင်စေချင်ဘူး။

ကျွန်တော်သူ့ကို အရမ်းချစ်ရကြောင်းကိုပဲ နားလည်စေချင်တယ်!

ကျွန်တော်က သူ့ရဲ့ အမြဲထာဝရ အားအကြီးဆုံးသော ခွန်အား ထောက်တိုင်ဆိုတာသိစေချင်တယ်!

.

ကျွန်တော် : ဟမ်? ငါဇာတ်ကားကြည့်နေရင်း ထူးဆန်းတဲ့websiteတွေ တက်လာလို့။

ချစ်သူ : ...ဇာတ်ကား?

ကျွန်တော် : ငါတို့အရင်တခါကြည့်တဲ့ကားလေ၊ ဇာတ်လိုက်မင်းသား ဘယ်လောက်ထိ အနာတရဖြစ်နိုင်လဲဆိုတာ သေချာသိချင်သေးလို့။

ချစ်သူ : ...

.

ကျွန်တော် စကားလမ်းကြောင်းပြောင်းလိုက်တဲ့နည်းလမ်းက ကြောင်တောင်တောင်ဖြစ်နေတယ်ဆိုတာ နားလည်ပါတယ်။

ကျွန်တော့်ချစ်သူရဲ့ အကြည့်တွေက ထူးဆန်းနေသလိုပဲ။

ကျွန်တော် ဘယ်လိုခံစားချက်မျိုးဆိုတာ သေချာမဖော်ပြတတ်ပေမယ့်၊ အဲ့ဒါကလေ ကျွန်တော်ဟိုခွေးပိန်လေးအိမ်ခေါ်လာတာကို သူပထမဆုံးမြင်လိုက်တုန်းက ကြည့်တဲ့အကြည့်အတိုင်းပဲဗျ။

ကျွန်တော်အပြစ်ရှိသလို ခံစားလိုက်ရတယ်။

.　

ကျွန်တော့်ချစ်သူ ယဲ့ယဲ့လေးပြုံးလိုက်တယ်။

ထိုင်နေတဲ့ကျွန်တော့်ရဲ့ခေါင်းကိုပုတ်လိုက်ပြီး ပြောလိုက်တယ် : ဒီမနက်တုန်းက မင်းနှစ်နှစ်ခြိုက်ခြိုက်အိပ်ပျော်နေလို့ ကိုယ်မနှိုးလိုက်တာ။ မင်း မအိပ်ရတာ ဘယ်နှစ်ရက်တောင်ရှိပြီလဲ? မင်း ကိုယ့်ခန္ဓာကိုယ်ကို ပိုပြီးဂရုစိုက်သင့်တယ်နော်။

ကျွန်တော်နားထောင်လိုက်ပြီး ဘာမှပြန်မပြောခင်မှာ..

သူရုတ်တရက်ကြီး ကျွန်တော့်မျက်နှာကို နမ်းလိုက်ပြီး ပြောလိုက်တယ်။

"ဒါလင်၊ ကောင်းသော မနက်ခင်းလေးပါ"

.

...မင်းပြောကြည့်လေ၊ သူကငတုံးလား၊ အခုအချိန်က နေ့လယ်ခင်းကြီးလေ၊ သူက ကောင်းသောမနက်ခင်းလုပ်နေတုန်း။

.

သေစမ်း ကျွန်တော်သူ့ကို ခုန်အုပ်ချင်လာပြီ။

Коментарі