Bayraq
Bayrağı göylərə qaldıran varsa
Bayraq əbədiyyən dalğalanacaq
Bayrağı sinəyə sıxanlar varsa
Bayraq da bizlərə arxalanacaq.
Bayrağı dağlara sancan məhəbbət
Qoymaz bu ölkəyə yanaşsın zillət
Haqqın elçiləri gəlsə bu millət
Asacaq bayrağı oraya əlbət.
Üçrəngli bayraqla məsud yaşarıq
Min il sonra üçün dastan qoşarıq
Qorquddan gəlmişik, aşıb coşarıq
Lazımsa dağları coşub aşarıq.
2026-03-22 18:32:25
0
0